აფხაზეთის ავტონომიური რესპუბლიკის განათლებისა და კულტურის მინისტრი ბექა ღვაჩლიანი აფხაზეთის კულტურის, სპორტისა და ახალგაზრდულ საქმეთა სააგენტოს პროექტ "შემოქმედებითი ზაფხულის“ ფარგლებში, კოლეჯ „სპექტრთან“ ურთიერთთანამშრომლობით გამართულ კერამიკის მასტერკლასს დაესწრო.

პროექტი აფხაზეთიდან დევნილი 18-25 წლის ახალგაზრდებისთვის ხორციელდება, რომელსაც პროფესიონალი კერამიკოსი გრიგოლ მუმლაძე ხელმძღვანელობს. მისი დახმარებით ახალგაზრდები კერამიკული ნივთების დამზადების ძირითად ტექნიკას გაეცნენ და საკუთარი ხელით აფხაზური თემატიკის ნამუშევრები შექმნეს.

შეხვედრას კოლეჯ ,,სპექტრის’’ დირექტორი მათე ტაკიძე, აფხაზეთის კულტურის, სპორტის და ახალგაზრდულ საქმეთა სააგენტოს დირექტორის მოვალეობის შემსრულებელი მურთაზ გურჩიანი, კულტურის სამმართველოს უფროსი სალომე უზუნაშვილი, სააგენტოსა და კოლეჯის წარმომადგენლები ესწრებოდნენ.

პროექტი მიზნად ისახავს დევნილი ახალგაზრდების პროფესიული, კარიერული და შემოქმედებითი უნარების განვითარებას.

პროექტის დასკვნით ეტაპზე მასტერკლასზე შექმნილი აფხაზური თემატიკის კერამიკული ნამუშევრების გამოფენა გაიმართება

აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე აფხაზეთიდან იძულებით გადაადგილებულ მოქალაქეებს შეხვდა.

შეხვედრაზე მთავრობის თავმჯდომარემ დევნილი მოსახლეობის პრობლემები და საჭიროებები პირადად მოისმინა და აფხაზეთის მთავრობის კომპეტენციის ფარგლებში ყველა საკითხზე დროულ რეაგირებას დაჰპირდა.

"აფხაზეთიდან დევნილ მოსახლეობასთან უშუალო კომუნიკაცია და მათი საჭიროებების გაცნობა უმნიშვნელოვანესია არსებული პრობლემების იდენტიფიცირებისა და დროული რეაგირებისთვის.

ჩვენი მიზანია, საფუძვლიანად შევისწავლოთ თითოეული საკითხი, რათა არცერთი პრობლემა არ დარჩეს ყურადღების მიღმა და მაქსიმალურად შევუწყოთ ხელი დევნილი მოსახლეობის ცხოვრების პირობების გაუმჯობესებას“, - განაცხადა გიორგი ჯინჭარაძემ.

აფხაზეთიდან იძულებით გადაადგილებულ პირებთან შეხვედრები მუდმივ ხასიათს ატარებს და აფხაზეთის მთავრობის აქტიური კომუნიკაცია მომავალშიც გაგრძელდება.

აფხაზეთის ავტონომიური რესპუბლიკის მთავრობაში მორიგი ცვლილება განხორციელდა. აფხაზეთის ავტონომიური რესპუბლიკის მთავრობის თავმჯდომარემ აფხაზეთის იუსტიციისა და სამოქალაქო ინტეგრაციის მინისტრის თანამდებობაზე ალიონა ჩხოტუა დანიშნა.

ახლად დანიშნული მინისტრი გიორგი ჯინჭარაძემ დღეს სამინისტროს თანამშრომლებს პირადად წარუდგინა.

ალიონა ჩხოტუა 1976 წელს გაგრაში დაიბადა. დაამთავრა ივანე ჯავახიშვილის სახელობის თბილისის სახელმწიფო უნივერსიტეტის სოხუმის ფილიალის ფილოლოგიის ფაკულტეტი, ინგლისური ენისა და ლიტერატურის სპეციალობით. მას საჯარო სექტორში მრავალწლიანი მუშაობის გამოცდილება აქვს. ხანგრძლივი დროის განმავლობაში სხვადასხვა თანამდებობებზე მუშაობდა დიასპორის საკითხებში საქართველოს სახელმწიფო მინისტრის აპარატსა და საქართველოს საგარეო საქმეთა სამინისტროში.

ალიონა ჩხოტუამ იუსტიციისა და სამოქალაქო ინტეგრაციის მინისტრის თანამდებობაზე გიორგი ძიგუა შეცვალა, რომელიც აღნიშნულ პოზიციას 2024 წლიდან იკავებდა.

აფხაზეთის ავტონომიური რესპუბლიკის განათლებისა და კულტურის მინისტრი ბექა ღვაჩლიანი კალიგრაფიის მასტერკლასს დაესწრო, რომელიც აფხაზეთის კულტურის, სპორტის და ახალგაზრდულ საქმეთა სააგენტოს პროექტ "შემოქმედებითი ზაფხულის“ ფარგლებში, ილორის წმინდა გიორგის სახელობის ეკლესიის საკვირაო სკოლასთან ურთიერთთანამშრომლობით გაიმართა.

"ქართული კალიგრაფია ჩვენი ეროვნული იდენტობის, კულტურისა და მრავალსაუკუნოვანი ტრადიციის გაგრძელებაა. ეს პროექტი აერთიანებთ ახალგაზრდებს, რომლებსაც წინ კიდევ ბევრი მნიშვნელოვანი აღმოჩენა და შემოქმედებითი განვითარება ელით. თქვენი ხელით შექმნილი თითოეული ასო ჩვენი ქვეყნის კულტურის შენარჩუნებას ემსახურება. ყველას გისურვებთ წარმატებებს“, - განაცხადა ბექა ღვაჩლიანმა.

მასტერკლასებს პროფესიონალი კალიგრაფი ლეილა ბაღბაია ხელმძღვანელობს. აფხაზეთიდან დევნილ 12-18 წლის ახალგაზრდებს შესაძლებლობა აქვთ, გაეცნონ ქართული კალიგრაფიის ხელოვნების სხვადასხვა ტექნიკას, ქართველ ხელნაწერთა ტრადიციებსა და კალიგრაფიულ ხელსაწყოებთან მუშაობის ძირითად პრინციპებს.

შეხვედრას ილორის წმინდა გიორგის სახელობის ეკლესიის წინამძღვარი მამა ლევან ჯანაშია, მინისტრის მოადგილე დავით მიქავა, აფხაზეთის კულტურის, სპორტის და ახალგაზრდულ საქმეთა სააგენტოს დირექტორის მოვალეობის შემსრულებელი მურთაზ გურჩიანი და კულტურის სამმართველოს უფროსი სალომე უზუნაშვილი ესწრებოდნენ.

პროექტის დასკვნით ეტაპზე მასტერკლასზე შექმნილი აფხაზური თემატიკის ნამუშევრების გამოფენა გაიმართება.

აფხაზეთის ავტონომიური რესპუბლიკის განათლებისა და კულტურის მინისტრი ბექა ღვაჩლიანი, აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძესთან ერთად, აფხაზეთის მაგიდის ჩოგბურთის ფედერაციაში იმყოფებოდა, სადაც ფედერაციის წარმომადგენლებსა და სპორტსმენებს შეხვდა. ასევე დევნილი სპორტსმენების ვარჯიშს დაესწრო.

შეხვედრის ფარგლებში, მხარეებმა მაგიდის ჩოგბურთის განვითარების ხელშეწყობის აუცილებლობაზე, ახალგაზრდების მხარდაჭერასა და სამომავლო თანამშრომლობის ფორმებზე იმსჯელეს.

აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე აფხაზეთის მაგიდის ჩოგბურთის ფედერაციას ესტუმრა, სადაც დევნილ ახალგაზრდებს შეხვდა და მათ ვარჯიშს დაესწრო. შეხვედრაში აფხაზეთის განათლებისა და კულტურის მინისტრი ბექა ღვაჩლიანი მონაწილეობდა.

შეხვედრის ფარგლებში გიორგი ჯინჭარაძემ სპორტული ინფრასტრუქტურა დაათვალიერა და ფედერაციის წარმომადგენლებსა და სპორტსმენებს გაესაუბრა.

შეხვედრაზე ყურადღება გამახვილდა იმ გამოწვევებსა და საჭიროებებზე, რომელთა წინაშეც ახალგაზრდა დევნილი სპორტსმენები დგანან.

გიორგი ჯინჭარაძემ კიდევ ერთხელ გაუსვა ხაზი სპორტის, როგორც ახალგაზრდების განვითარების ერთ-ერთი უმნიშვნელოვანესი ინსტრუმენტის როლს და აღნიშნა, რომ აფხაზეთის მთავრობა დევნილი სპორტსმენების ხელშეწყობასა და სპორტული მიმართულების აქტიურ მხარდაჭერას მომავალშიც გააგრძელებს.

აფხაზეთის ა/რ ფინანსთა და ეკონომიკის მინისტრი თენგიზ ნასარიძე სოხუმის დრამატულ თეატრში, საქართველოს დამსახურებული არტისტის, მსახიობ ლიანა მიქაშავიძის შემოქმედებით საღამოს დაესწრო, რომელიც მისი წიგნის - "სოხუმის ქართული თეატრი გისმენთ" პრეზენტაციას მიეძღვნა.

სოხუმის თეატრის თითოეულ მაყურებელს კიდევ ერთხელ ჰქონდა საშუალება, გასცნობოდა ქართულ-აფხაზურ კულტურას, რომელიც ჩვენი შერიგების საფუძველს ქმნის.

საღამოს აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე და მთავრობის წევრები ესწრებოდნენ.

შემოქმედებითი საღამო აფხაზეთის ავტონომიური რესპუბლიკის განათლებისა და კულტურის სამინისტროს ორგანიზებით გაიმართა.

სოხუმის კონსტანტინე გამსახურდიას სახელობის პროფესიული სახელმწიფო დრამატული თეატრის დიმიტრი ჯაიანის სახელობის დარბაზში, საქართველოს დამსახურებული არტისტის, მსახიობ ლიანა მიქაშავიძის შემოქმედებითი საღამო გაიმართა.

ღონისძიებაზე ნაჩვენები იყო რეალურ ისტორიებზე შექმნილი თეატრალიზებული წარმოდგენა. სცენაზე მსახიობებმა სოხუმის კონსტანტინე გამსახურდიას სახელობის პროფესიული სახელმწიფო დრამატული თეატრის ისტორიის არაერთი მნიშვნელოვანი ეპიზოდი გააცოცხლეს.

საიუბილეო საღამოს აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე დაესწრო, რომელმაც ლიანა მიქაშავიძეს იუბილე მიულოცა და ხანგრძლივი და ნაყოფიერი შემოქმედებითი მოღვაწეობისთვის, აფხაზეთის მთავრობის სახელით სპეციალური ჯილდო გადასცა.

ღონისძიების ფარგლებში ასევე მოეწყო ლიანა მიქაშავიძის წიგნის „სოხუმის თეატრი გისმენთ“ პრეზენტაცია.

შემოქმედებითი საღამო აფხაზეთის ავტონომიური რესპუბლიკის განათლებისა და კულტურის სამინისტროს, აფხაზეთის კულტურის, სპორტისა და ახალგაზრდულ საქმეთა სააგენტოსა და სოხუმის კონსტანტინე გამსახურდიას სახელობის პროფესიული სახელმწიფო დრამატული თეატრის მხარდაჭერით გაიმართა.

აფხაზეთის ავტონომიური რესპუბლიკის მთავრობის თავმჯდომარემ გიორგი ჯინჭარაძემ საქართველოს ეროვნული ბიბლიოთეკის წიგნის მუზეუმში აფხაზი თავადების ნიკოლოზ და ჩარლზ ჩხოტუების პირადი ნივთების გამოფენა დაათვალიერა.

ღონისძიებაზე მთავრობის თავმჯდომარემ და ეროვნულ ბიბლიოთეკის გენერალურმა დირექტორმა კონსტანტინე გამსახურდიამ ჩხოტუების მოღვაწეობის შესახებ ისაუბრეს და შერიგების პროცესში ქართულ-აფხაზური კულტურული დიალოგის მნიშვნელობაზე გაამახვილეს ყურადღება.

„იმ პირობებში, როდესაც მიდის ისტორიის გაყალბების მცდელობა, უმნიშვნელოვანესია ჩხოტუების არქივის მნიშვნელობა. ეს ფოტომასალა, კულტურული მემკვიდრეობა და გამოცემები ძალიან მნიშვნელოვანია და კიდევ ერთხელ ადასტურებს იმ ისტორიულ კავშირს, რომელიც ჩვენ აფხაზი ხალხის მიმართ გვაქვს და ქართველებისა და აფხაზების საერთო კულტურულ მნიშვნელობაზე აკეთებს აქცენტს.

ასევე მინდა აღვნიშნო, რომ აფხაზეთის მთავრობის მკვლევრები აქტიურად მუშაობენ მსგავსი ისტორიის წინ წამოწევაზე და პოპულარიზაციაზე, რაც კიდევ ერთხელ ხაზს უსვამს ნდობის აღდგენისა და ერთიანობის სურვილს, რომელიც აფხაზებსა და ქართველებს შორის წლების მანძილზე არსებობდა“, - განაცხადა გიორგი ჯინჭარაძემ.

ღონისძიების ფარგლებში აფხაზეთის ავტონომიური რესპუბლიკის განათლებისა და კულტურის სამინისტროსა და საქართველოს ეროვნულ ბიბლიოთეკას შორის ურთიერთთანამშრომლობის მემორანდუმი გაფორმდა, რომელიც ერთობლივი პროექტების განხორციელების შესაძლებლობას ითვალისწინებს.

აფხაზი თავადების საარქივო მასალების საქართველოში ჩამოტანა, 2024 წელს აფხაზეთის ავტონომიური რესპუბლიკის მთავრობის, საქართველოს ეროვნული ბიბლიოთეკისა და საზოგადოებრივი მაუწყებლის ერთობლივი ორგანიზებით, პროექტის „აფხაზური არქივები“ ფარგლებში განხორციელდა.

სოხუმის კონსტანტინე გამსახურდიას სახელობის დრამატული თეატრის დარბაზში ლიანა მიქაშავიძის წიგნის "სოხუმის ქართული თეატრი გისმენთ“ თეატრალიზებული პრეზენტაცია გაიმართა. ღონისძიებაზე გაცოცხლდა სცენები სხვადასხვა სპექტაკლიდან, რომლებშიც საქართველოსა და აფხაზეთის დამსახურებული არტისტი წლების განმავლობაში მონაწილეობდა.

წიგნში "სოხუმის ქართული თეატრი გისმენთ“ ავტორი მოგვითხრობს თეატრალური გზის ამსახველ მემუარებზე, რომელიც მოიცავს, ეპიზოდებს სოხუმში დაწყებული ქართული თეატრიდან დევნილობაში მყოფი სოხუმის თეატრამდე.

ღონისძიების დასასრულს აფხაზეთის ავტონომიური რესპუბლიკის თავმჯდომარე გიორგი ჯინჭარაძემ აფხაზეთის განათლებისა და კულტურის მინისტრ ბექა ღვაჩლიანთან ერთად ლიანა მიქაშავიძეს სოხუმის თეატრის ისტორიის შენარჩუნებისა და გაწეული ღვაწლისთვის მადლობა გადაუხადა და სამადლობელი სიგელი გადასცა.

თეატრალურ წარმოდგენას აფხაზეთის ავტონომიური რესპუბლიკის უმაღლესი საბჭოს თავმჯდომარე ჯემალ გამახარია, სამხრეთ ოსეთის დროებითი ადმინისტრაციის ხელმძღვანელი თამაზ ბესტაევი, თეატრალური კინო და სახვითი ხელოვნების სამმართველოს უფროსი ნუცა კობაიძე, აფხაზეთის მთავრობის წევრები, უმაღლესი საბჭოს დეპუტატები და კულტურის სფეროს წარმომადგენლები ესწრებოდნენ.

აფხაზეთის ავტონომიური რესპუბლიკის განათლებისა და კულტურის სამინისტროსა და ეროვნულ ბიბლიოთეკას შორის თანამშრომლობის მემორანდუმი გაფორმდა

მემორანდუმი აფხაზეთის კულტურული მემკვიდრეობის დაცვისა და პოპულარიზაციის მიმართულებით პროექტების განხორციელებას ითვალისწინებს.

დოკუმენტს აფხაზეთის ა/რ განათლებისა და კულტურის მინისტრმა ბექა ღვაჩლიანმა და საქართველოს ეროვნული ბიბლიოთეკის დირექტორმა კონსტანტინე გამსახურდიამ მოაწერეს ხელი.

მემორანდუმის გაფორმებასთან ერთად, საქართველოს ეროვნულ ბიბლიოთეკაში არსებულ ვეფხისტყაოსნის დარბაზში წარმოდგენილი, ჩხოტუების საგვარეულოს  წარმომადგენლების მიერ საზღვარგარეთ მოღვაწეობასთან დაკავშირებული ორდენები და პირადი ნივთები აფხაზეთის ა/რ განათლებისა და კულტურის მინისტრმა აფხაზეთის მთავრობის თავმჯდომარე გიორგი ჯინჭარაძესთან ერთად დაათვალიერა.

ღონისძიებას ასევე ესწრებოდნენ ეროვნული ბიბლიოთეკის დირექტორის მოადგილე მირიან ხოსიტაშვილი, მინისტრის მრჩეველი მანანა ქვაჩახია, სამინისტროსა და ეროვნული ბიბლიოთეკის თანამშრომლები.

მარჯანიშვილის თეატრის სხვენზე სოხუმის გიორგი რატიანის სახელობის მოზარდ მაყურებელთა თეატრის სპექტაკლი „ზღვის თეატრი“ დაიდგა, რომელსაც აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე დაესწრო.

რეჟისორ ალექსანდრე ელოშვილის წარმოდგენა თეატრის მნიშვნელობასა და შემოქმედებითი თავისუფლებისთვის ბრძოლას ეხება. სპექტაკლი დროებით დევნილობაში მყოფ, ენთუზიაზმით სავსე ახალგაზრდების ისტორიაზე მოგვითხრობს, რომელთაც ქალაქში ახალი თეატრის გახსნას სურთ.

სპექტაკლს აფხაზეთის ავტონომიური რესპუბლიკის განათლებისა და კულტურის მინისტრი ბექა ღვაჩლიანი, აფხაზეთის ფინანსთა და ეკონომიკის მინისტრი თენგიზ ნასარიძე, აფხაზეთის უმაღლესი საბჭოს დეპუტატები და აფხაზეთის მთავრობის წარმომადგენლები ესწრებოდნენ.