აფხაზეთის მთავრობის თავმჯდომარე გიორგი ჯინჭარაძემ აფხაზეთიდან დევნილ მოსახლეობასთან აფხაზეთის მთავრობაში მორიგი შეხვედრა გამართა.

შეხვედრაზე მთავრობის თავმჯდომარემ მოისმინა ის საკითხები, რომლებიც იძულებით გადაადგილებული პირებისთვის ყველაზე მწვავე და აქტუალურია.

როგორც გიორგი ჯინჭარაძემ აღნიშნა, აფხაზეთის მთავრობა მზად არის, იმოქმედოს ეფექტურად და თავისი კომპეტენციის ფარგლებში არსებული ყველა საკითხი მაქსიმალურად დროულად შეისწავლოს და მოაგვაროს.

აფხაზეთიდან დევნილ მოქალაქეებთან შეხვედრის მიზანია, მათი საჭიროებების დროული იდენტიფიცირება და პრობლემების გადაჭრის გზების მოძებნა.

მსგავსი შეხვედრები მუდმივ ხასიათს ატარებს და კვლავ გაგრძელდება.

სოხუმის კონსტანტინე გამსახურდიას სახელობის სახელმწიფო დრამატულ თეატრში ივანე გაბრუაშვილის სპექტაკლის "მე ვხედავ მზეს“ პრემიერა გაიმართა, რომელსაც აფხაზეთის ავტონომიური რესპუბლიკის ფინანსთა და ეკონომიკის მინისტრი თენგიზ ნასარიძე მოადგილეებთან ერთად დაესწრო.

პრემიერას ასევე აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, საქართველოს პარლამენტის თავმჯდომარის პირველი მოადგილე გიორგი ვოლსკი, აფხაზეთის უმაღლესი საბჭოს თავმჯდომარის მოვალეობის შემსრულებელი თამაზ ხუბუა, აფხაზეთის მთავრობისა და უმაღლესი საბჭოს წევრები და სხვა მოწვეული სტუმრები ესწრებოდნენ.

სპექტაკლში აფხაზეთის ა/რ პროფესიული სახელმწიფო ინტეგრირებული თეატრის "აზდაკის ბაღის“ და საქართველოს სხვადასხვა თეატრის დამსახურებული მსახიობები მონაწილეობდნენ.

ინტეგრირებული თეატრი, რომელიც 2015 წელს დაარსდა, აერთიანებს 20-მდე განსაკუთრებული საჭიროების მქონე პირს, მათ შორის აფხაზეთიდან დევნილ მსახიობებს.

აფხაზეთის ავტონომიური რესპუბლიკის ფინანსთა და ეკონომიკის სამინისტროს მხარდაჭერით, აფხაზეთის ა/რ სავაჭრო-სამრეწველო პალატამ აფხაზეთიდან დევნილ მეწარმეს საერთაშორისო გამოფენაში მონაწილეობისათვის საჭირო ხარჯები დაუფინანსა.

აფხაზეთის ა/რ სავაჭრო-სამრეწველო პალატამ, აფხაზეთის ფინანსთა და ეკონომიკის სამინისტროს მხარდაჭერით და პროგრამა "აწარმოე საქართველოში” თანამშრომლობით, აფხაზეთიდან დევნილ მეწარმე ნინო ფაცაციას საერთაშორისო გამოფენაში მონაწილეობისათვის საჭირო ხარჯები დაუფინანსა.

2025 წლის 23-25 თებერვალს, მილანში გაიმართა MICAM / MIPEL - ფეხსაცმლისა და ტყავის ნაწარმის ერთ-ერთი უმნიშვნელოვანესი საერთაშორისო გამოფენა, რომელსაც ყოველწლიურად 42,000-ზე მეტი სტუმარი ჰყავს მსოფლიოს სხვადასხვა ქვეყნიდან.

მცირე და საშუალო მეწარმეების ხელშეწყობის პროგრამის, პირველი კომპონენტის - "საერთაშორისო გამოფენებში მონაწილეობა“ ფარგლებში, ნინო ფაცაციასთვის ეს იყო უნიკალური შესაძლებლობა, წარმოედგინა მის მიერ წარმოებული პროდუქცია, ამასთანავე გაეცნო საერთაშორისო ბაზრის მოთხოვნები და დაემყარებინა მნიშვნელოვანი კონტაქტები.

სოხუმის კონსტანტინე გამსახურდიას სახელობის სახელმწიფო დრამატულ თეატრში ივანე გაბრუაშვილის სპექტაკლის "მე ვხედავ მზეს“ პრემიერა გაიმართა, რომელსაც აფხაზეთის ავტონომიური რესპუბლიკის განათლებისა და კულტურის მინისტრი ბექა ღვაჩლიანი აფხაზეთის ა/რ მთავრობის თავმჯდომარე გიორგი ჯინჭარაძესთან ერთად დაესწრო.

ნოდარ დუმბაძის ნაწარმოების მიხედვით დადგმული სპექტაკლი ასახავს ქართული სოფლის ყოველდღიურობას დიდი სამამულო ომის წლებში. მთავარ გმირს, ობოლ სოსოიას იმედი აქვს, რომ ომის დასრულების შემდეგ ყველაფერი უკეთ იქნება და ხატიასაც თვალები აეხილება.

პრემიერას ასევე საქართველოს პარლამენტის თავმჯდომარის პირველი მოადგილე გიორგი ვოლსკი, აფხაზეთის უმაღლესი საბჭოს თავმჯდომარის მოვალეობის შემსრულებელი თამაზ ხუბუა, აფხაზეთის მთავრობისა და უმაღლესი საბჭოს წევრები და სხვა მოწვეული სტუმრები ესწრებოდნენ.

სპექტაკლში აფხაზეთის ა/რ პროფესიული სახელმწიფო ინტეგრირებული თეატრის "აზდაკის ბაღის“ და საქართველოს სხვადასხვა თეატრის დამსახურებული მსახიობები მონაწილეობდნენ.

ინტეგრირებული თეატრი, რომელიც 2015 წელს დაარსდა, აერთიანებს 20-მდე განსაკუთრებული საჭიროების მქონე პირს, მათ შორის აფხაზეთიდან დევნილ მსახიობებს.

ღონისძიება აფხაზეთის ავტონომიური რესპუბლიკის მთავრობის, საქართველოს კულტურის სამინისტროსა და აფხაზეთის განათლებისა და კულტურის სამინისტროს მხარდაჭერით გაიმართა.

სოხუმის სახელმწიფო დრამატული თეატრის სცენამ აფხაზეთის ავტონომიური რესპუბლიკის პროფესიული სახელმწიფო ინტეგრირებული თეატრის „აზდაკის ბაღის“ საპრემიერო სპექტაკლს „მე ვხედავ მზეს“ უმასპინძლა.

საპრემიერო წარმოდგენას აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, საქართველოს პარლამენტის თავმჯდომარის პირველი მოადგილე გიორგი ვოლსკი, აფხაზეთის უმაღლესი საბჭოს თავმჯდომარის მოვალეობის შემსრულებელი თამაზ ხუბუა, აფხაზეთის მთავრობის წევრები და უმაღლესი საბჭოს დეპუტატები ესწრებოდნენ.

სპექტაკლი ქართველი მწერლის ნოდარ დუმბაძის ამავე სახელწოდების რომანის მიხედვით რეჟისორმა ბაჩო გაბრუაშვილმა დადგა და მასში განსაკუთრებული საჭიროების მქონე ოცამდე მსახიობი მონაწილეობდა.

მიმდინარე წელს ინტეგრირებულმა თეატრმა „აზდაკის ბაღი“ 10 წლის იუბილე აღნიშნა, ხოლო „მე ვხედავ მზეს“ არის პირველი სპექტაკლი, რომელიც დასმა სახელმწიფო თეატრის რანგში წარმოადგინა.

ღონისძიება აფხაზეთის ავტონომიური რესპუბლიკის მთავრობის, საქართველოს კულტურის სამინისტროსა და აფხაზეთის განათლებისა და კულტურის სამინისტროს მხარდაჭერით გაიმართა.

აფხაზეთის ავტონომიური რესპუბლიკის განათლებისა და კულტურის მინისტრი ბექა ღვაჩლიანი, აფხაზეთის ა/რ მთავრობის თავმჯდომარე გიორგი ჯინჭარაძესთან ერთად გომბორის მოსამზადებელი ცენტრის ტერიტორიაზე მოწყობილ, ახალგაზრდულ ბანაკში აფხაზეთის საჯარო სკოლების მოსწავლეებს შეხვდა.

ახალგაზრდულ ბანაკში აფხაზეთის N6 და აფხაზეთის N3 საჯარო სკოლების 15 აფხაზეთიდან დევნილი მოსწავლე იღებდა მონაწილეობას. სასწავლო კურსის ფარგლებში ახალგაზრდებს ხუთი დღის მანძილზე შესაძლებლობა ჰქონდათ გაცნობიდნენ და შეესწავლათ ისეთი პრაქტიკული უნარ-ჩვევები, როგორიცაა საცეცხლე მომზადება, თვითგადარჩენის ტექნიკები, დრონების მართვა, პირველადი სამედიცინო დახმარება, კიბერუსაფრთხოება და სხვადასხვა შემეცნებითი აქტივობა.

ღონისძიება „ახალგაზრდები და ვეტერანები ეროვნული თავდაცვისა და უსაფრთხოებისთვის“ ორგანიზებით გაიმართა. სამინისტროს მიერ განსაზღვრული კრიტერიუმების გათვალისწინებით, ახალგაზრდულ ბანაკში მონაწილეობის მისაღებად, მაღალი აკადემიური მოსწრების მქონე აფხაზეთიდან დროებით დევნილი მოსწავლეები და ვეტერანების შვილები შეირჩნენ.

ღონისძიებას ვეტერანების საქმეთა სახელმწიფო სამსახურის დირექტორი, გენერალ მაიორი კობა კობალაძე, აფხაზეთის ავტონომიური რესპუბლიკის განათლებისა და კულტურის მინისტრის მოადგილე დავით მიქავა და საქართველოს თავდაცვისა და უსაფრთხოების სფეროს წარმომადგენლები ესწრებოდნენ.

გომბორის მოხალისეთა მომზადების ცენტრში, აფხაზეთიდან დევნილი ახალგაზრდებისთვის სასწავლო კურსი დასრულდა, რომელიც თავდაცვითი უნარ-ჩვევების, სამოქალაქო პასუხისმგებლობის, ეროვნული ღირებულებებისა და მოხალისეობრივი სულისკვეთების გაძლიერებას ემსახურებოდა.

დახურვის ღონისძიებას აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, ვეტერანების საქმეთა სახელმწიფო სამსახურის დირექტორი კობა კობალაძე და აფხაზეთის განათლებისა და კულტურის მინისტრი ბექა ღვაჩლიანი დაესწრნენ.

მთავრობის თავმჯდომარემ ცენტრის ინფრასტრუქტურა დაათვალიერა და ახალგაზრდების მოსამზადებელ პირობებსა და სასწავლო პროცესს გაეცნო. ასევე აფხაზეთიდან დევნილ ახალგაზრდებს შეხვდა, რომლებმაც ბანაკში მიღებული საკუთარი გამოცდილება გაუზიარეს.

„მსგავსი ინიციატივები ძალიან მნიშვნელოვანია დევნილი ახალგაზრდებისთვის, რადგან საბანაკე პროგრამაში ისინი ეუფლებიან თავდაცვითი და კრიზისების მართვის მიმართულებით საჭირო უნარებს. ასევე სახელმწიფოებრივი აზროვნებისა და ლიდერობის კუთხით უყალიბდებათ შესაბამისი უნარ-ჩვევები, რაც ქვეყნის მომავლისთვის უმნიშვნელოვანესია“, - განაცხადა აფხაზეთის მთავრობის თავმჯდომარემ.

ჟიული შარტავას სახელობის აფხაზეთის №6 და ვლადიმერ ვეკუას სახელობის აფხაზეთის №3 საჯარო სკოლების მოსწავლეებმა მოხალისეთა მომზადების ცენტრში, ხუთი დღის განმავლობაში სპეციალური კურსი გაიარეს, რითაც შესაძლებლობა ჰქონდათ მიღებული თეორიული ცოდნა და უნარები პრაქტიკულ პირობებში გამოეყენებინათ.

ღონისძიება მისასალმებელი სიტყვით აფხაზეთის იძულებით გადაადგილებულ პირთა მინისტრმა დავით ფაცაციამ გახსნა. წიგნის შესახებ პოეტმა დათო მაღრაძემ ისაუბრა, რომელმაც პოემიდან რამდენიმე ნაწყვეტი წაიკითხა.

პოემის აფხაზურ ენაზე თარგმანი აფხაზური ენის სპეციალისტს ირმა ოსია-კინწურაშვილს და აფხაზ პოეტს ეკუთვნით.

ღონისძიებას აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, აფხაზეთის უმაღლესი საბჭოს თავმჯდომარე ჯემალ გამახარია, საქართველოს პარლამენტის წევრები, აფხაზეთის უმაღლესი საბჭოს დეპუტატები, მწერლები და პოეტები ესწრებოდნენ.

პრეზენტაცია აფხაზეთის ავტონომიური რესპუბლიკის მომსახურების სააგენტოს ორგანიზებით გაიმართა და მისი მიზანია ქართულ-აფხაზური ურთიერთობების გაღრმავება, ასევე, პოემის აფხაზურენოვანი ვერსიის პოპულარიზაციის ხელშეწყობა.

„ჩვენთვის განსაკუთრებით მნიშვნელოვანია, რომ შესაძლებლობა გვაქვს მონაწილეობა მივიღოთ ყველა პროექტში, რომელიც კულტურის საშუალებით ქართულ-აფხაზური ხიდების მშენებლობას უკავშირდება და მაქვს მოლოდინის იმისა, რომ ძალიან მალე ჩვენ ყველანი ერთად, სოხუმში დავესწრებით ბატონი დათოს წიგნის პრეზენტაციას.“ - განაცხადა დავით ფაცაციამ.

აფხაზეთის მთავრობა აგრძელებს მის დაქვემდებარებაში მყოფი პოლიკლინიკების მონიტორინგს, რათა აფხაზეთიდან დევნილმა ბენეფიციარებმა ხარისხიანი და სრულყოფილი ჯანდაცვის სერვისები მიიღონ.

მორიგი გასვლითი ღონისძიების ფარგლებში, აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, აფხაზეთის ჯანმრთელობისა და სოციალური დაცვის მინისტრის მოვალეობის შემსრულებელ მანონა გეჯუასთან ერთად, წყალტუბოში იმყოფებოდა, სადაც სამედიცინო ცენტრ „დიომედის“ კლინიკის ხელმძღვანელობასა და მედპერსონალს შეხვდა.

მთავრობის თავმჯდომარე პოლიკლინიკაში არსებულ მდგომარეობას პირადად გაეცნო, სამედიცინო პერსონალს გაესაუბრა და აღნიშნა, რომ სამედიცინო დაწესებულება თანამედროვე სტანდარტებთან დაახლოებას საჭიროებს, ასევე აუცილებელია განახლდეს კლინიკის მოძველებული მატერიალურ-ტექნიკური ბაზა, რაც დევნილ ბენეფიციარებს ხარისხიანი მომსახურებით უზრუნველყოფს და მათ ყველა სათანადო პირობას შეუქმნის.

„აფხაზეთის მთავრობისთვის ერთ-ერთი მთავარი მიმართულება და პრიორიტეტი არის დევნილთა პოლიკლინიკების ინფრასტრუქტურული განვითარება. მნიშვნელოვანია, რომ აფხაზეთიდან დევნილი მოქალაქეები უზრუნველყოფილნი იყვნენ სრულფასოვანი ჯანდაცვის სერვისებით. ჩვენ ვაშენებთ ჯანდაცვის სისტემას, რომელიც გრძელვადიან პერსპექტივაში მათ ხარისხიან და ხელმისაწვდომ სერვისებზე წვდომას უზრუნველყოფს“, - განაცხადა გიორგი ჯინჭარაძემ.

შეხვედრას სამედიცინო ცენტრ „დიომედის“ გენერალური დირექტორი ნათია ფარცვანია და აფხაზეთის ავტონომიური რესპუბლიკის იძულებით გადაადგილებულ პირთა სამინისტროს წარმომადგენლები ესწრებოდნენ.

აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე წყალტუბოს მუნიციპალიტეტს ეწვია და 9 აპრილის ქუჩაზე მცხოვრებ აფხაზეთიდან იძულებით გადაადგილებულ მოსახლეობას შეხვდა.

შეხვედრის ფარგლებში მთავრობის თავმჯდომარე გაეცნო დევნილთა ყოფით საჭიროებებსა და არსებულ გამოწვევებს. მოსახლეობის მხრიდან განსაკუთრებით გამოიკვეთა დასაქმების ხელშეწყობის, ჯანდაცვის სერვისების ხელმისაწვდომობის, ასევე დასახლებაში არსებული საცხოვრებელი ინფრასტრუქტურისა და კომუნიკაციების მოწესრიგების საკითხები.

გიორგი ჯინჭარაძის თქმით, დევნილთა სოციალურ-ეკონომიკური მდგომარეობის გაუმჯობესება აფხაზეთის მთავრობისთვის ერთ-ერთი ყველაზე პრიორიტეტული საკითხია. ამიტომ საქართველოს რეგიონებში მცხოვრებ მოსახლეობასთან შეხვედრის დროს ხდება ძირითადი პრობლემური საკითხების იდენტიფიცირება, რათა შემდეგ აფხაზეთის მთავრობის კომპეტენციის ფარგლებში, მასზე დროული და ეფექტიანი რეაგირება მოხდეს.

შეხვედრაზე აღინიშნა, რომ მიუხედავად გარკვეული სირთულეებისა, ბოლო პერიოდში მდგომარეობა გაუმჯობესდა. სამომავლოდ დევნილთა საცხოვრებელი პირობების გასაუმჯობესებლად და ინფრასტრუქტურის კეთილმოწყობის მიზნით დაგეგმილია კონკრეტული პროექტების განხორციელება, რომელსაც აფხაზეთის ავტონომიური რესპუბლიკის მთავრობა და ადგილობრივი ხელისუფლება კოორდინირებულად განახორციელებენ.

შეხვედრას აფხაზეთის ჯანმრთელობისა და სოციალური დაცვის მინისტრი მანონა გეჯუა, წყალტუბოს მუნიციპალიტეტის მერის პირველი მოადგილე გრიგოლ ყურაშვილი და აფხაზეთის ავტონომიური რესპუბლიკის იძულებით გადაადგილებულ პირთა სამინისტროს წარმომადგენლები ესწრებოდნენ.

აფხაზეთის ავტონომიური რესპუბლიკის მთავრობა აფხაზეთის სამედიცინო დაწესებულებების მონიტორინგსა და სამედიცინო პერსონალთან შეხვედრებს აქტიურად აგრძელებს.

ამ მიზნით, აფხაზეთის მთავრობის თავმჯდომარე გიორგი ჯინჭარაძე ქუთაისში სამედიცინო ცენტრ „დიომედის“ ფილიალს ეწვია და დევნილთა პოლიკლინიკაში არსებულ ვითარებას პირადად გაეცნო.

მთავრობის თავმჯდომარე, ქუთაისის მერის მოვალეობის შემსრულებელ დავით ერემეიშვილთან ერთად კლინიკის ხელმძღვანელობასა და სამედიცინო პერსონალს შეხვდა. შეხვედრაზე დევნილებისთვის ჯანმრთელობის ხელმისაწვდომობის გაუმჯობესების გზები, ჯანდაცვის მიმართულებით არსებული გამოწვევები და სამომავლო გეგმები განიხილეს.

„ჩვენი მთავარი მიზანია, რომ აფხაზეთიდან დევნილმა მოსახლეობამ დროული და ხარისხიანი სამედიცინო მომსახურება მიიღოს. ამისათვის, აფხაზეთის მთავრობა აგრძელებს შეხვედრებს მთელი ქვეყნის მასშტაბით, რათა ადგილზე ვნახოთ რეალური სურათი და მომსახურების გაუმჯობესების მიმართულებით ეფექტური ნაბიჯები გადავდგათ“, - განაცხადა გიორგი ჯინჭარაძემ.

მთავრობის თავმჯდომარემ სამედიცინო ცენტრის თანამშრომლებს დევნილი მოსახლეობის მხარდაჭერისა და მათზე ზრუნვისთვის მადლობა გადაუხადა და აღნიშნა, რომ აფხაზეთის მთავრობის ძალისხმევა მომავალშიც დევნილთა საჭიროებებზე იქნება ორიენტირებული.

შეხვედრას აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრის მოვალეობის შემსრულებელი მანონა გეჯუა, ქუთაისის მუნიციპალიტეტის მერის მოადგილე გიორგი ცხაკაია და სამედიცინო ცენტრ „დიომედის“ გენერალური დირექტორი ნათია ფარცვანია ესწრებოდნენ.

დევნილთა პოლიკლინიკებში შეხვედრები მთელი ქვეყნის მასშტაბით მიმდინარეობს და მათი მიზანია, აფხაზეთის მთავრობის დაქვემდებარებაში მყოფ სამედიცინო დაწესებულებებში მომსახურების ხარისხის მონიტორინგი და არსებულ პრობლემებზე დროული რეაგირება.

აფხაზეთის ავტონომიური რესპუბლიკის მთავრობის თავმჯდომარემ გიორგი ჯინჭარაძემ იმერეთის სახელმწიფო რწმუნებულის ადმინისტრაციაში, მხარის რწმუნებულ ლევან ზალკალიანთან გაცნობითი შეხვედრა გამართა, რომელშიც ადგილობრივი მუნიციპალიტეტების ხელმძღვანელი პირებიც მონაწილეობდნენ.

შეხვედრის ფარგლებში, მთავრობის თავმჯდომარემ სახელმწიფო რწმუნებულს რეგიონში მცხოვრებ დევნილებზე ზრუნვისა და გაწეული დახმარებისთვის მადლობა გადაუხადა და იძულებით გადაადგილებული პირების მხარდაჭერის პროცესში ადგილობრივი ხელისუფლების მნიშვნელოვან როლზე ისაუბრა.

„დღევანდელ შეხვედრაზე ჩვენ განვიხილეთ იმერეთის რეგიონში მცხოვრები ჩვენი დევნილი მოსახლეობის პრობლემური საკითხები და საცხოვრებელ პირობებთან დაკავშირებული ძირითადი გამოწვევები. ვეცდებით, თითოეულ შემთხვევაზე მაქსიმალურად სწრაფი რეაგირება მოვახდინოთ, რათა დროულად გადავჭრათ აღნიშნული საკითხები.

ამ მიმართულებით უმნიშვნელოვანესია ადგილობრივ ხელისუფლებასთან მჭიდრო თანამშრომლობა და სამომავლოდ აფხაზეთის მთავრობა აქტიურად გააგრძელებს კოორდინირებულ მუშაობას, რათა უფრო ეფექტიანად განხორციელდეს დევნილთა საჭიროებებსა და გამოწვევებზე რეაგირება“, - განაცხადა გიორგი ჯინჭარაძემ.

გარდა ამისა, შეხვედრაზე საუბარი შეეხო დაგეგმილ პროექტებს, რომელთა მიზანია ინტეგრაციის ხელშეწყობა, დევნილთა სოციალურ-ეკონომიკური მდგომარეობის გაუმჯობესება და მათთვის ღირსეული ცხოვრების პირობების შექმნა.

მხარეებმა დევნილთა მხარდაჭერის საკითხები განიხილეს და სამომავლო ურთიერთთანამშრომლობის გაღრმავებაზე ისაუბრეს, რაც აფხაზეთიდან იძულებით გადაადგილებული მოსახლეობის მხარდაჭერაზე იქნება ორიენტირებული.

შეხვედრაში აფხაზეთის ავტონომიური რესპუბლიკის იძულებით გადაადგილებულ პირთა სამინისტროს იმერეთის ტერიტორიული ორგანოს წარმომადგენლები მონაწილეობდნენ.

აფხაზეთის ავტონომიური რესპუბლიკის ფინანსთა და ეკონომიკის სამინისტროს მხარდაჭერით აფხაზეთის ა/რ სავაჭრო სამრეწველო პალატამ მცირე და საშუალო მეწარმეების ხელშეწყობის პროგრამის ფარგლებში, დევნილ მეწარმეს, ეკატერინე ხუტკუბიას, ზუგდიდის რაიონის სოფელ დარჩელში მდებარე საწარმოში HACCP-ის სისტემის დანერგვის ხარჯები დაუფინანსა.

აღნიშნული დახმარება განხორციელდა პროგრამის მეორე კომპონენტის ფარგლებში, რომელიც საერთაშორისო სისტემებისა და სტანდარტების დანერგვაში ხელშეწყობას ითვალისწინებს.

ქალბატონი ეკატერინე წლებია აწარმოებს სხვადასხვა სახეობის ხილისგან დამზადებულ ჩირსა და ნუგბარს — ეკოლოგიურად სუფთა, მაღალი ხარისხის პროდუქტს, რომელიც დამზადებულია მხოლოდ ქართული ნედლეულით.

HACCP-ის ძირითადი მიზანია ბიოლოგიური, ქიმიური და ფიზიკური საფრთხეების პრევენცია საკვები პროდუქტის წარმოებისა და გადამუშავების ყველა ეტაპზე.